NPO

განათლება 

საქართველოს სოფლის მეურნეობისა და გარემოს დაცვის სფეროში არსებული თანამედროვე ცოდნისა და ტექნოლოგიებისა დეფიციტი ადგილობრივი ფერმერებისათვის ართულებს განვითარებისა და შესაძლებლობების აღმოჩენის შესაძლებლობას. აგრო სოლუშენსი უცხოელი ექსპერტების დახმარებით საქართველოში ნერგავს სოფლის მეურნეობისა და გარემოს დაცვის სექტორში სხვადასხვა საგანმანათლებლო პროგრამებს. Ეს კი საშუალებას აძლევს დაინტერესებულ პირებს აიმაღლონ კვალიფიკაცია და ეზიარონ თანამედროვე ცოდნასა და მიდგომებს. აღნშნული პროგრამების საშუალებით ჩვენი გუნდი ხელს უწყობს ქვეყანაში ცოდნის იმპორტს.  Მეორეს მხრივ, აგრო სოლუშენსი მიზნად ისახავს რეგიონებში არსებულ მცირე და საშუალო ზომის საწარმოებსა და ფერმერებს გაუწიოს კვალიფიციური კონსულტაციები. აგრო სოლუშენსი პარტნიორი ორგანიზაციების, საერთაშორისო ინსტიტუტებისა და სხვადასხვა საგანმანათლებლო პროგრამების მხარდაჭერით, კონსულტაციას უწევს 300-ზე მეტ ფერმერსა და მცირე და საშუალო ბიზნესს საქართველოს 14 სხვადასხვა მუნიციპალიტეტში.

ინფორმაციაზე ხელმისაწვდომობა 

სოფლად და რეგიონში მცხოვრები მოსახლეობისთვის ერთ-ერთ უმთავრეს გამოწვევას ჯერ კიდევ ინფორმაციაზე ხელმისაწვდომობა წარმოადგენს, რაც ხშირ შემთვხევაში მცირე და საშუალო საწარმოებს და ფერმერებს განვითარების კუთხით დაბრკოლებებს უქმნის. Ამ გამოწვევის საპასუხოდ ჩვენი გუნდი უზრუნველყოფს ფერმერებისთვის დროული ინფორმაციის მიწოდებას მათ წინაშე არსებული შესაძლებლობების შესახებ, მაგალითად კონკრეტულ რეგიონებში დაფინანსების მოპოვების შესაძლებლობა, სახელმწიფო პროგრამებში ჩართვის და შეღავათიანი პროგრამებით სარგებლობის შესაძლებლობა. 

გარემოს დაცვა 

მსოფლიოში კრიტიკულად ცვალებადი კლიმატური პირობების გათვაისწინებით NPO აგრო სოლუშენსის მიზანს წარმოადგენს ჯანსაღი გარემოს საჭიროებებთან შესაბამისობა. ჩვენ მიგვაჩნია, რომ ყველა სამრეწველო ან/და ბიზნეს საქმიანობა უნდა განხორციელდეს გარემოს დაცვის ნორმებთან შესაბამისობაში. აგრო სოლუშენსის უპირველესი მიზანია ცნობიერების ამაღლება გარემოს დაცვისა და კლიმატის ცვლილების საკითხებზე, სწორი პოლიტიკისა და მიდგომების ჩამოყალიბება როგორც სამთავრობო, ასევე კერძო სექტორში. Დღეს უმთავრეს საჭიროებას საქართველოში წარმოადგენს ცნობიერების ამაღლება გარემოს დაცვით საკითხებზე, რათა მოქალაქეებმა გარემოს დაცვისკენ მიმართული ქმედებები განახორციელონ. ამისათვის აგრო სოლუშენსი ახორციელებს საგანმანათლებლო პროექტებსა და კამპანიებს.

აგრო სოლუშენსი თავის საქმიანობას შემდეგ ღირებულებებზე დაფუძნებით ახორციელებს:

•   სოციალური ჩართულობა 

•   თანაბარი და სამართლიანი კონკურენცია

•   ქალებისა და ახალგაზრდების თანაბარი ჩართულობის უზრუნველყოფა პროექტებში

•   უმცირესობების თანაბარი ჩართულობის უზრუნველყოფა პროექტებში

•   ინფორმაციის ხელმისაწვდომობა 

•   გამჭვირვალობა

•   მცირე და საშუალო ზომის საწარმოების მხარდაჭერა

•   კერძო-საჯარო პარტნიორობის მხარდაჭერა 

•   მდგრადი განვითარების მიზნების მხარდაჭერა 

•   რეგიონული განვითარების მხარდაჭერა